母親節是一個充滿愛與關懷的日子，亦是家人聚首一堂共享美食的時刻。母親節要舉家吃餐好，不少人會選擇酒樓的中式套餐，雖然是穩陣之選，但就缺乏新意。家人喜愛食放題，迎合家人的口味，上網得知築地番本日式放題在旺角通菜街開了新店，位置很方便，最後決定母親節一家人去築地番本日式放題歡聚一番。
地點位於旺角通菜街的內街上樓食店，設計以日式木材為主調，感覺很潔淨，環境設計新穎時尚，地方寛敞很舒適，為求令客人有悠閒舒服的感覺。
築地番本日式放題獨有無限時段放題，每段兩小時任飲任食，事前需致電訂位，餐廳內座無虛席，幸好我一早訂好位，當晚我準時八時到達，坐下後開始點菜。
放題以外每位加$50，為食客帶來升級放題，為你帶來星級滋味。另外，見到很厚的落單紙，食物應有盡有，包括有前菜、刺身、壽司、日本料理、燒烤、手卷/軍艦卷、卷物、天婦羅、炸物、拉麵/烏冬、湯、飲品、甜品、等，款式種類很多，美食當前無法抵擋，吃得盡興一點，放縱一下自己。
刺身
我選擇有三文魚、自家製八爪魚及原隻甜蝦刺身，三文魚每塊厚度差不多，圖案紋很均勻，鮮嫩剔透，口感嫰滑没腥味，自家製八爪魚新鮮，煙靱有口感，原隻甜蝦肉質鮮甜，肉汁豐富，彈牙爽口，沒有雪味，三款之中我最愛原隻甜蝦，非常滋味，值得推介。
壽司
黑松露吞拿魚及北海道帶子壽司，細細件好有特色，壽司新鮮，咀嚼後第一個感覺是彈牙有咬口，没帶半點腥味，單單看樣子已經令人唾涎，2款壽司我都鍾情，讓人回味無窮。
日本料理
干椒炒築地八爪魚仔及和風牛肉粒，2款都幾好味，干椒炒築地八爪魚仔當小食都不錯，彈牙有咬口，和風牛肉粒肉汁豐富，肉質很爽滑，咬落去啖啖肉，不會感到太鹹味，必食之選。
燒烤
黃金焗蠔及烤有機菠蘿，黃金焗蠔加入了點煙肉，唔會太過熟，不會太多油膩，恰到好處，烹飪調味的汁配搭很好，賣相吸引很開胃，齒頰留香，值得推介。未食過烤有機菠蘿，鮮甜多汁有口感，可中和之前的食物。
炸物
炸物點選了炸雞軟骨粒、紫心香芋丸、一口芝士豆腐及芝士春卷等，雞軟骨炸得夠香脆可口，七味粉好夠味，食落不會太過油膩，水準都不錯，紫心香芋丸我都是第一次食略嫌可以甜多一點，醬爆感覺很好，一口芝士豆腐有咬口，水準一般，芝士春卷很好味，食到濃郁的芝士味，入口不會太熱，剛好恰到好處，饞嘴的我很想Encore。
湯
人蔘雞湯很美味，我1個人要飲2碗才足夠，味道很香有蔘味，飲下來感覺回甘，多飲都不妨，具相當的飲用價值，對女士的皮膚尤其重要，推介之選。
飲品
日本冰梅酒，我飲了2杯，冰凍梅酒酸酸地味道，入口很香醇，味道都不錯。
甜品
最後要叫甜品作為今晚的句號，我好喜歡吃甜品，選了芝麻雪糕及雪米糍，芝麻雪糕很香滑，雪米糍有2隻味，綠茶味同香芋味，我2隻味都點選了，雪米糍拿出來會好硬，要放一陣先好食，不會太甜，味道適中，幾好食。
另外，築地番本日式放題現在只要參加二連之進擊，可以品嚐到皇牌築地直送八爪魚及冰之快感(綿綿冰)，皇牌築地直送八爪魚彈牙有咬口，綿綿冰有2隻味，搽茶味或香芒味，我選了香芒味，夏天食綿綿冰很冷快很爽，容易入口，上層加上七彩繽紛的糖，不會感到很甜，味道剛好。
築地番本日式放題
旺角通菜街1A-J號威達Deli2商業大廈1樓B室
沒有留言:
張貼留言